« Poésie réunionnaise/Éva èk Arsin » : différence entre les versions
Contenu supprimé Contenu ajouté
Ligne 9 :
| <big>K</big>èkpar si la kot ès la Rénion, navé in kolon té i apèl Alègsi. Sa lété propriétèr in térin tèlman gran ke té i som zisk a la montane. Touzis si lo boug té i koné zisk ou son térin té i sava. Tanka zèsklav, lo kantité, li té i souvyin pli non pli.
||
|-
| <big>K</big>om si la plipar propriété koma, zèsklav té i travay dir & té i manz tré pe. San konté ke le kolon té i loup zamé in lokazion fé sabouk azot. Zom kom fanm, té i amar sa domi tou ni, dann milié la kour, épi té i fé rint sa ansanm in fouèt ke té rézèrvé èspré pou pinision. Lo kolon té i kont lo kou, a domi alonzé dan son fotèy kréol, sou la varang, avalan ti gorzé par ti gorzé son vèr lo ronm aranzé. A té! Sa té in bon moman d’la zourné! Foutor va!
||
|-
| <big>L</big>èr k’Alègsi lété pa tro fatigé, li té i fé pa de, pou tyinbo sabouk li-mèm. Lété kom ki diré, in pé léspor pou li, in pé légzèrsis pou fé transpir in ti gine kom son doktèr lavé di ali fé na d’kou.
||
|-
| <big>I</big>nitil di azot ke toulmoun lavé la pét dovan Alègsi. Kan son raz té i mont-la, on diré ke mèm lo pié d’mang la kour té i gingn la tranblad. Son madam, a s’moman-la, té i kour dovan in zimaz Bondié.
|