Norsk nynorsk: Portrett av språkforskaren, språkgrunnleggjaren og diktaren Ivar Aasen (1813-1896). Biletet er teke i 1884 då Aasen var 71 år gammal. Aasen var 71 år då han går til fotografen for siste gong i livet sitt, også denne gongen hjå C. C. Wischmann. Det har vore vanleg å samanlikne dei to fotografia av Aasen frå 1881 og 1884, og Aasen ser naturleg nok eldre ut på det siste. Han ser dessutan meir alvorleg ut enn på biletet frå 1881. Baksida av visittkortet er òg annleis enn dei to bileta frå 1881 og 1871, og verkar meir moderne og enkel. Biletet frå 1884 var lenge det einaste som var kjent. Første gongen fotografiet kjem på prent er i Nordahl Rolfsens "Norske Digtere", Anden Udgave, 1897. Fotografiet har rett nok òg vore brukt som grunnlag for eit xylografi av Hansen, prenta i "Udvalgte Skrifter" av Vetle Vislie.